தமிழ் விடு தூது- மதுரை சொக்கநாதர் [101-106]

 

தமிழ் விடு தூது
[101-106]

101. 

...................................... ஆண்பனை நற்

102. 

பெண்பனையா யாக்கிளையாற் பெண்களிலே காரைக்கால் 

வண்பதியா ரெளவையென வந்துதித்தாய்- நண்பார்

103. 

நிலதவதி யாகுடனே சென்மித்தாய் மாடக் 

குலதவதி யானத்தர் கூடல் - பலதவஞ்சேர்

104. 

மேனியார் கண்டிகையும் வெண்ணீறுங் கண்டுருகும் 

மானியார் தேசிகனா வந்துதித்தாய் - ஞானியார்

105.

துங்க மகவாகத் தோன்றி வனப்பகைக்குஞ் 

சிங்கடிக்குந் தாதையாய்ச் சீர்செய்தாய் - இங்கு நீ

106. 

பெண்களெல்லாம் வாழப் பிறந்தமையா சென்மனத்திற் 

புண்களெல்லா மாறப் புரிகண்டாய்

பொருள்:

ஆண்பனையை நல்ல பெண்பனை யாக்கினை நீ ; பெண்களில் காரைக்கால் என்ற வளமான பதியில் வாழ்ந்த அம்மையாராகவும், ஒளவையாராகவும் வந்து நீ தோன்றினை ;நண்புடைய திலகவதியாருடன் பிறந்தனை ; மாளிகை வரிசையுடைய தவமும் தியானமும் உடையவர் வாழும் மதுரைப் பதியில் மிகுந்த தவஞ் சேர்ந்த அக்கவட மும் வெண்ணீறும் அணிந்த மேனியுடைய அடியார்களைக் கண்டுருகு மானியார்க்கு ஆசாரியனாக வந்து தோன்றினை ; இசை ஞானியாருடைய உயர்ந்த மகவாகத் தோன்றி வனப் பகைக்கும் சிங்கடிக்குந் தந்தையாகிப் புகழை வளர்த்தனை ; இவ்வுலகிற் பெண்களெல்லாம் நல்வாழ்வு வாழ்வது கருதி நீ தோன்றினமையால் பெண்ணாகிய என் மனத் தெழுந்த கவலையெல்லாம் நீங்கச் செய்வாய்.

- மதுரை சொக்கநாதர்